إبراهيم علي المطرود *
تقول چنّا...
شلون چنّا
چنا خمسة ننام بفراش
المحبة سنين
لحاف واحد
چان يغطينا ويلمنا
دافي مطرّز بلون
المحبة والحنين
چنا مثل الدروي
من شفاق الله يفز
يضحك لوجه الفرا
ويمسح بجنحانو
دمعة ودمعتين
چنا من نكتب
وظايفنا نفرح .....
لَنْها چانت ألف مرة
ونرسم جبال ونهر
وسفينة ...
وجسر ...
وزيزفون وشجر تين
چنا نرسم عالرمل
قلوب هامت
وشلون حضنت دمعنا
وآهاتنا.. وحبنا الحزين
چنّا نفتح للهوى
بقلوبنا
طيور السنونو
وبيها تبني عشوشها
بحبل الوتين
چنّا نركض عالرمل
نقطف الخرنوب
حامض
يضاحك الجاري
على الجرفين
چنّا ........
مدري وين چنّا
ووين صرنا
شصار بينا
وصرنا وين
الوكت كوّر علينا
بلون حنّة
بطيب أهلنا
ولون أهلنا
بدون منّة عايشين
* شاعر سوري
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.